Solvang Gardsmat

Solvang Gard ligg på Hosteland i Masfjorden, der eg og mannen min lever ut draumen om eit liv på landet etter mange år i butikk- og restaurantbransjen. Me bygger opp att ein nedlagt gard og nyt kvardagen med dyrestell og gardsliv. 

På Solvang Gard finn du 115 vinterfôra sauer – både villsau og farga spælsau – samt ca. 60 verpehøner og 60 rasehøner som verper egg i ulike fargar. Hønene held til i sin eigen etasje i løa, medan to Mangalitsa-grisar, eller «ullgrisar,» bur også på garden. 

Utsalslokalet, mitt «Happy place», er eit atelier med skinn og kunstartiklar –  kor eg jobbar med alt som ikkje er matrelatert, men kor du kan få kjøpt noko av den maten eg lagar.