Lofthus Sideri

Lofthus sideri er fire nabobruk på Lofthus som i lag freistar å laga god eplejuice og sider.
I bratte skråningar dyrkar me epla våre, solrikt til vendt mot sørvest. I lag med eit godt jordsmonn og gunstig klima med lange sommardagar gjev dette epla den søte og syrlege smaken som er så viktig for ein god eplejuice, og ikkje minst, ein god sider.

Lofthus sideri lagar fire typar sider, Gaum, Drøs, Fjåg og Kvelve. Alle er laga på reine eplesortar og er halvtørre og tørre typar. Når epla er pressa til juice vert sukker og gjær tilsett, prosessen er i gang. Sukker vert til alkohol, og smaken kjem fram. Prosessen skjer under kontrollerte tilhøve, der alkoholstyrken vert bestemt på førehand. Når sideren har fått rett balanse av syre, sødme og eple, vert prosessen stoppa og flaska. Kvelve juice er 100% rein eplejuice. Alle pressepla er plukka direkte frå trea, og vert pressa og pasteurisert rett etter hausting.