Kroken Fjordgard

Kroken Fjordgard er ein liten eplegard som ligg idyllisk til på sørsida av Lustrafjorden i Indre Sogn. Marte Veivåg-Aase har eigd garden sidan 2020, og saman med sambuar Hans Frederik Bjarkøy driv ho garden med god hjelp frå samojeden Milo og ein liten flokk gammalnorsk spælsau som pleier kulturlandskapet rundt garden.

På Kroken Fjordgard blir det produsert sider med utgangspunkt i gode epleråvarer, handverk og god tid. Sideren blir laga med naturleg gjæring, naturlege bobler og annengongsgjæring på flaske etter tradisjonell metode. Langsame prosessar og god modningstid gir sideren friskheit, karakter og eit tydeleg preg av råvarene.

Sideren blir seld gjennom det vesle gardsutsalet på tunet, levert til hoteller og restaurantar og servert ved smakingar og arrangement på garden. I tillegg til siderproduksjonen tilbyr garden opplevingsbaserte arrangement med natur, måltid og fellesskap i sentrum.

Foto : Anders Vestergård