Sande Gardsmat

Vi er Bente og Bjarte Nordanger som kjøpte oss gard på Sandøy i Gulen i 1987. Sidan vi kjøpte garden, har vi utvida med fleire dyr og nye produksjonar. No produserer vi mjølk, storfekjøtt, kalvekjøtt og egg. Gardsmatsatsinga er vidareforedling av våre eigne råvarer. Vi har eige produksjonslokale på garden, og denne vinteren utvidar vi med fryserom, kjølerom og tørrlager.

Vi har tatt innføringskurs i ysting og har tankar om å lage fleire produkt av mjølk.
For oss er bruk av lokale ressursar og velferd for dyr og folk viktig. Det betyr blant anna at store og små dyr er ute frå mai til oktober og vi bruker utmarksbeite aktivt. Vi har lausdrift fjøs for storfe og hønene er frittgåande innandørs.