Osterøy ysteri og småfeprodukt

Velkomen til Lars, Berit og dotter Guri på Osterøy, på Bernes eller på stølen i Tyssebotn.
Me driv eit familiegardsbruk med ysteri og produksjonslokale og driv støl. Me har norsk mjølkegeit og sau av rasen gammal norsk spælsau og ynskjer å drive berekraftig og å best mogleg nytte dei ressursane garden kan gje heime og ved stølen i fjellet.

Me lagar handverksmat av egne råvarer av mjølk og kjøt. Guri er nå 5. generasjons yster, pølsemakar og tradisjonsberar i familien.

Noreg gror att av skog og kratt og me ser det viktigare enn nokon gong å ha beitedyr for å halde kulturlandskapet ved like. Difor får både sauane og geitene våre være ute på beite i skog og mark så mykje som mogleg. Det gjer og at dyra våre har ei svært god helse og har ein god trivnad. Om sommaren held me til på stølen i Tyssebotn og både folk og dyr nyter fjell-livet. Geitene er flinke og kjem heim til mjølking morgon og kveld. Om det er dårlig vær kan de få være inne i ein tørr og lun flor eller de ligg og soler seg på svabergene ved eit fjellvatn i finværet. Sauene trekker om sommaren opp til Høgafjellet, det høgste fjellet på Osterøy.

Me sel ekte brun geitost – spekepølse av geit – fenalår – morrpølse – saueskinn – ull og garn.
Avhengig av sesong kan vi og tilby pinnekjøt, ferskt kjøt frå kje og lam og sesongvarer frå eigen hage og naturen rundt garden.