Waxtjold Villsau

Villsau frå Waxtjold produserer og sel økologisk lam og kjøt av gamalnorsk sau (villsau) frå kystlandskapet i Vestland.

På Waxtjold på Radøy driv Bjarte og Trine med villsau på ein gard som har vore i same slekta sidan 1713. Dyra lever fritt på naturbeite langs kysten, frå Bjørnafjorden i sør til Rongevær i nord, der dei beiter i lyng, vind og salt sjøluft.
Den gamalnorske sauen er ei robust rase med urgamle eigenskapar og er godt tilpassa eit liv ute i all slags vêr. Dette gir kjøt med mørkare farge, fin marmorering og ein mild, men tydeleg smak – prega av naturbeite og kystnær drift.

Villsau frå Waxtjold står for kortreist, berekraftig og naturbasert mat, med respekt for dyra, landskapet og tradisjonane dei forvaltar.