Sjuragarden

Sjuragarden ligg vakkert til i fjøresteinane ved Hardangerfjorden på Valland i Norheimsund. Ein typisk vestlandsgard som gjennom 9 generasjonar har vore gjennom fleire driftsformer, som mjelkeproduksjon. I dag er Sjuragarden ein fruktgard med hovudvekt på epleproduksjon.

Me lagar eplajuice på kartongar og på flasker. Syltetøy av bringebær, solbær, eple, rabarbra og plomme. Gele, chutney og marmelade. Og Eplasider! Sonen i huset lagar Hardangersider. Me starta produksjon av sider i 2018. Vår sider vert laga av eplesortane Aroma og Discovery. Me blandar dei ikkje, dette for å bevara særpreget til dei to ulike eplesortane. Sideren vår vert karbonert før tapping for å få ein lett perlande effekt.

På tunet har me eit gardsutsal der me sel eigne produkter, og mykje anna godt frå andre produsentar.